Diese Website verwendet Cookies, für die Ihre Zustimmung erforderlich ist.
Nos mincha di da scoula es viv, culurieu ed alleger. Que mussains nus in in noss artichels da noviteds. Per part vegnan quists scrits svess da nossas scolaras e scolars.
La scoula da La Punt Chamues-ch es cuntschainta per sias otas pretaisas. Ils rituels e las occurenzas reguleras vulessans nus natürelmaing eir musser.
Scu mincha an ho cumanzo il cortegi da Chalandamarz punctuelmaing a las 06.00 sün Plaz. Ils iffaunts sun chaminos a pè tres tuot La Punt Chamues-ch, haun chanto, schluppo cullas giaschlas ed haun ramasso raps. Al cussagl d’iffaunts es gnieu decis, ch’els organisaron, ün’ excursiun in ün parc da suas culs raps.
La gita d’utuon da quist an vaiva differentas vias vers Spinas. Ils iffaunts da la scoulina sun chaminos da Bever a Spinas, intaunt cha’ls iffaunts pü grands haun pudieu decider traunter duos vias a partir da Marguns. Üna via pü pachifica insü fin Margunins ed in seguit fin Spinas, l’otra via sur il Piz Padella. A Spinas as haun tuots darcho inscuntros, haun giuvo insembel ed alura haun püssas charrozzas purto inavous la gruppa a Bever.
