Pitschnas scuvridras e pitschens scuvriders

GRUPPA DA GÖ

La gruppa da gö a La Punt Chamues-ch es integreda illa scoula. Que es üna spüerta gratuita e voluntaria, chi as drizza ad iffaunts da trais ans fin al cumainzamaint da la scoulina.

Tres gös ed activiteds vain promovieu il svilup sociel, emoziunel, cognitiv, corporel e psichic dals iffaunts. Lur autonomia vain sustgnida ed els paun exerciter lur sen da cumünaunza. Nus als vulessans faciliter üna buna partenza per lur futur minchadi da scoula.

Illa gruppa da gö as discuorra rumauntsch e tudas-ch. Ils iffaunts vegnan in contact cun tuottas duos linguas da scoula e ramassan prümas experienzas linguisticas. La mnedra da la gruppa da gö lavura in möd stret cullas magistras da scoulina. Rituels simils güdan tal cumanzamaint da la scoulina e nus ans referins eir a quels per la promoziun.

Organisaziun da l’instrucziun

Il local da la gruppa da gö as rechatta illas localiteds da la structura da di. Que ho ün access direct a la sela da gimnastca ed il local es collio culla chesa da scoula. La gruppa da gö ho lö al mumaint da lündeschdi fin gövgia da las 09:00 fin las 11:00. Ils genituors dals iffaunts da l’eted da la gruppa da gö clappan mincha vouta vers la fin da l’an da scoula tuot las infurmaziuns necessarias e paun annunzcher lur iffaunts üna fin duos voutas l’eivna per la gruppa da gö.

Scha vus vais dumandas a reguard da la gruppa da gö, lura paun Els gugent contacter la mnedra da scoula, Marina Cortesi-Suter.