Crescher insembel
Famiglias
La Punt Chamues-ch spordscha cundiziuns da viver optimelas per famiglias. Il cumün dispuona dad ün’egna scoula chi cuverna tuot ils s-chelins da la scoulina fin la 6evla classa. Per scoulas cuntinuantas paun gnir frequentos ils lös in vicinanza Zuoz u Samedan.
Famiglias profiteschan impü dals bellischems cuntuorns e da las numerusas pussibiliteds per il temp liber in ün ambiaint preservo e fich persunel. Nus cultivains tradiziuns scu il Chalandamarz ils 1. marz, tar il quêl ils iffaunts dal cumün s-chatschan l’inviern cun lur cortegi culurieu ed alleger tres il cumün.
La vicinanza culla natüra, las pussibiliteds multifaras per il temp liber e la ferma e viva cümunaunza faun da La Punt Chamues-ch ün lö attractiv da viver per famiglias chi as vöglian stabilir ed as svilupper in ün ambiaint alpin cun infrastructura moderna.
